Merkato e transferimeve në Superligë, afrimet dhe largimet e lojtarëve kyç

Mbrëmjen e 31 janarit është mbyllur merkato e transferimit të lojtarëve, ku një numër i madh lëvizjesh janë bërë edhe në Superligën Shqiptare.

Emra të njohur të futbollit vendës janë larguar nga Shqipëria dhe të tjerë janë rikthyer në vendlindje për të vijuar karrierën.

Lëvizje bombë u cilësua rikthimi i Bekim Balajt tek skuadra e Vllaznisë, apo largimet e Skukës drejt Metzit e Xhixhës drejt Karabakut.

Në minutat e fundit një goditje bëri dhe Partizani që afroi sulmuesin Kristjan Mba nga Trepça, me 23-vjeçarin që ka shkëlqyer në superligën e Kosovës. Tek bardheblutë veç Xhixhës u largua dhe kapiteni Ismajlgeci, ndërsa u afruan Abazaj, Haxhiu e Lushkja.

Në orët e fundit, Egnatia zyrtarizoi futbollistin e kombëtares, Hysen Memolla, por për t’u përmendur dhe afrimet e Duamenas dhe Paulaskas, të cilët madje kanë gjetur golin. Edhe skuadrat e tjera të Superligës nuk ndenjën duarkryq, Bylis, Erzeni, Teuta, Kukësi e Laçi gjithashtu zhvilluan lëvizjet e tyre.

E njëjta gjë ndodhi dhe në Kategorinë e Parë me skuadrat pretendente për t’u rikthyer. Dinamo e Flamurtari, me vlonjatët të cilët vendosën një shifër rekord, plot 10 afrime në muajin janar.

LEXONI GJITHASHTU

• Pioli drejt largimit nga Milan, gati emrat që do të zëvendësojnë italianin
• Lëvizjet në merkato| Bajern huazon Cancelon, Arsenal ‘rrëmben’ mesfushorin e Chelsea
• Drejtori i Al Nassr shpërthen ndaj Ronaldos: Pagova 200 mln, di të bëjë vetëm “Siu”