Merr fund problemi i ujit të pijshëm në Pogradec, riparohet defekti

Pasi vuajtën mungesën e ujit të pijshëm për afro 2 ditë, banorët e Pogradecit dhe fshatrave të njësisë administrative të Bucimasit do të shohin ujë në çezmat e tyre sot, pasi defekti është rregulluar nga punojësit e institucionit të ujësjellësit të Pogradecit.

Momentalisht janë duke u mbushur depot ndërkohë që brenda pak orëve pritet që i gjithë qytetit të furnizohet me ujë të pijshëm.

Ndërprerja e ujit u shkaktua pasi kompania që po kryen ndërtime në Drilon çau tubin e ujësjellësit duke lënë qindra familje pa ujë.

LEXO GJITHASHTU:

• Dita e dytë, qindra familje pa ujë të pijshëm në Pogradec
• Prej dy ditësh pa ujë, qytetarët ‘zbarkojnë’ me bidona te burimi i qytetit si dikur