Merrte 150 euro për provim, pezullohet nga detyra rektorja e universitetit

Pas publikimit të shkeljes në media, ministria e Arsimit ka vendosur pezullimin nga detyra të rektores së universitetit “Luigj Gurakuqi”, Suzana Golemi.

Kjo e fundit bashkë me një pedagoge, Donalda Laçej që jep lëndën biokimi mjekësore për 3 degët Mami, Infermieri dhe Fizioterapi merrninn para në këmbim të provimit. Nga 120 studentë, 110 prej tyre rezultonin ngelës dhe ata detyroheshin të paguanin “tarifën” e vendosur për të kaluar lëndën. Për të marrë provimin ato kërkonin minimalisht 150 euro.

Në këtë universitet ka studentë që nuk kanë arritur të diplomohen vetëm për shkak të kësaj lënde.

Tashmë postin e rektores në universitetin “Luigj Gurakuqi” në Shkodër do ta zërë Rajmonda Kërçira.

LEXONI GJITHASHTU:

• Ndryshon ligji për sistemin parauniversitar, klasa e parë mund të fillojë dhe 5 vjeç
• Kontrata Kolektive e Punës, risi për punonjësit e arsimit parauniversitar