“Mes arbëreshëve për të ruajtur rrënjët”- Gazetari zbulon projektin e Lorik Canës

Një nismë për të njohur historinë, e cila nis me zbulimin e rrënjëve tona. Është ky projekti më i ri i gazetarit Arbër Agalliu në bashkëpunim me fondacionin e ish-futbollistit Lorik Cana.

Ai tregoi në një intervistë për Euronews Albania se ky projekt mundësoi që të kishin zë arbëreshët e thjeshtë të cilët u shprehën në gjuhën e tyre, jo në italisht.

“Për ne ky ishte një rezultat fantastik, arritëm në qëllimin tonë, por ende nuk ka mbaruar sepse në maj do të jemi sërish në Kalabri, në Shën Sofi, në Kozencë dhe do të kemi fatin që të marrim pjesë në disa nisma shumë interesante, siç është për shembull bukuria arbëreshe në Kozencë në datën 21 maj, siç është dhe pranvera italo-shqiptare në Shën Sofi në 14 maj, pra do të kemi gjëra shumë interesante që do të tregojmë,” – tha gazetari.

Agalliu tregoi dhe rolin kyç të Lorik Canës në këtë projekt, i cili u përshtat shumë shpejt me komunitetet arbëreshe.

“Në këtë fushë ai ishte dhe mbrojtës i kulturës, por dhe sulmues sepse arritëm të shënonim atë golin tonë,” – tha gazetari.

LEXONI GJITHASHTU:

• Mesazhi i Lorik Canës për shqiptarët: Të mësojnë çfarë ka ndodhur deri tani, Italia shumë e zhvilluar, por në kolaps
• Pasardhësja Skënderbeut: Prejardhja ime shqiptare, lidhje me arbëreshët e Italisë