Mes vetmisë dhe pleqërisë, nënë Aneta: Kam kukulla që kujdesem prej 40 vitesh

Nënë Aneta nga Berati, e cila prej shume vitesh jeton në Fier pasi u martua, na tregon shtëpinë e saj “prej kukulle”. Asaj i pëlqen shumë të kujdeset për të, i pëlqejnë ngjyrat, orenditë me tepricë, por mbi të gjitha kukullat. Ato tashmë janë më shumë se 40-vjeçare dhe i bëjnë shoqëri nënë Anetës në vetminë e saj, që pas ndarjes së bashkëshortit nga jeta.

“Në kohën tonë nuk kishte kukulla. Loznim hapa dollapa dhe me patka. Këtë kukull e kam blerë në vitin 1965, punoja në paketim atëherë, te magazinat. Kishim afër magazinat dhe e bleva. Që në moshën 25-vjeçe kam blerë kukullën e parë”, tha ajo.

Nënë Aneta tha se shtëpia mund të jetë e ngarkuar me shumë gjëra, por asaj I pëlqen ashtu që të mos duket bosh.

“Janë shtëpi të vjetra, të paktën të jetë plaçka e re. Më thonë e ke të ngarkuar shumë shtëpinë, por mua më pëlqen kështu. Sa të jem unë gjallë, do t’i mbaj kështu, kur të vdes unë le të bëjnë ç’të duan fëmijët”, tha ajo.

LEXONI GJITHASHTU:

• Rrëfehet “berberi” i deleve: 3 euro për 1 kokë në Greqi, bëja 900 euro për 6-7 orë
• 84-vjeçarja që jeton e vetme: Sot nuk ka më fëmijë për shtëpi, kush i do vjehrrat