Mesazhi i fortë i David Cameroon për trupat britanike në Kosovë

Ministri i Punëve të Jashtme të Britanisë së Madhe, David Cameroon, ka viztuar trupat britanike që shërbejnë në Kosovë në kuadër të KFOR-it.

Në një intervistë për Reuters, Cameroon ka folur për sulmin e 24 shtatorit në Banjskë, si dhe situatën e sigurisë në Ballkan.

Sekretari britanik e cilësoi si mjaft shqetësuese atë që ndodhi në veri të Kosovës dhe apeloi që të merren të gjitha masat që një gjë e tillë të mos ripërsëritet më.

“Çfarë ka ndodhur këtu në shtator është ekstremisht shqetësuese dhe ne duhet të bëjmë cdo gjë që të mundemi që ta parandalojmë atë që të mos përsëritet dhe ta luftojmë nëse ndodh përsëri. Kosova është shtet sovran i pavarur që dëshiron stabilitet, siguri dhe të ardhme dhe Britania po ndihmon me të gjitha këto dhe është e drejtë që ne e bëjmë. Stabiliteti në Ballkan dhe siguria në Ballkan, dhe ndalimi i atyre që dëshirojnë të shkaktojnë destabilitet dhe të krijojnë probleme është në interesin direkt kombëtar të Britanisë dhe prandaj jam këtu, për të falendëruar trupat tona për punën që bëjnë dhe për të punuar me Qeverinë e Kosovës për t’i ndihmua ata me agjendën e tyre duke njohur faktin se ata janë një shtet sovran që meritojnë mbështetjen tonë derisa ata përpiqen për siguri dhe sukses”, ka thënë Cameroon.

Cameron ka theksuar rëndësinë e paqes dhe stabilitetit në Ballkanin Perëndimor duke thënë se Britania e Madhe po investon në këtë. Ai nënvizoi përkrahjen për siguriminë e njohjeve të reja për Kosovën.

“Jemi përkrahës të mëdhenj të pavarësisë, sovranitetit dhe të drejtës së Kosovës për t’u njohur nga të tjerët si një vend i plotë, sovran dhe anëtar i familjes së kombeve”.

Camerron shtoi se në një kohë kur ekzistojnë konflikte të mëdha, Britania duhet t’i mbrojë miqtë e saj e t’u dalë në krahë.

“Ne jetojmë në një botë me pasiguri të madhe, paqëndrueshmëri të madhe, një botë me konflikte të mëdha dhe është një kohë kur vendet, si Britania, duhet t’i mbështesin miqtë tanë, të punojnë ngushtë në aleancat tona të rëndësishme dhe të investojnë në zona që kanë qenë të paqëndrueshme, por që tani po tregojnë shenja të mëdha të stabilitetit dhe progresit. Dhe, kjo është arsyeja pse ne jemi këtu dhe kjo është arsyeja pse ne duam të vazhdojmë të punojmë me ju”, ka thënë ai.

LEXONI GJITHASHTU:

• Cameron nga Kosova: Jam këtu për t’iu mbështetur, promovuar e ndihmuar
• “Meriton dënim të ashpër”| Daçiç kritikon Cameron për mbështetjen që i dha Kosovës