Mesazhi i tërthortë i Ramës për Berishën me britanikët

Kryeministri Edi Rama ka ngjallur dyshime me një deklaratë të bërë sot në Kuvend.

Teksa iu drejtua kreut të PD-së, Sali Berisha për shpalljen “non grata”, ai pëmendi jo vetëm SHBA-në, por edhe Mbretërinë e Bashkuar.

Ai i nënvizoi se së shpejti nuk do kalohet as kanali i “Gjilbraltarit se të vjen historia përpara”.

“Ndërkohë që ju përpiqeni të na shpëtoni, çfarë ndodh? Non grata, të padëshirueshëm për kë? Për Sllonodanin, jo, ju i keni dhënë naftë. Për çfarë tjetër? Kujt nga kush? Nga Shtetet e Bashkuara të Amerikës dhe së shpejti vjen gjëja, afrohet vjen tek gadishulli i madh Britanik dhe pastaj do vijë këtu. Çfarë do bëni ju? Do luftoni për sovranitetin? Të kujt? Për ta përdorur flamurin si leckë si gjethe fiku”, u shpreh Rama.

Këtë deklaratë ai e ripërsëri pak më vonë ku u shpreh: “Historia, pikërisht kur ti mendon se e ke lënë pas, të vjen përpara. Njëherë nuk kalon dot oqeanin, se të vjen historia përpara. Pastaj nuk kalon kanalin e Gjilbraltarit se të vjen historia përpara”, u shpreh Rama.

Nuk dihet se për çfarë e kishte fjalën saktësisht Rama, por duhet të nënvizojmë se ai sot dha një mesazh të tërthortë që përsëriti dy herë.

LEXONI GJITHASHTU:

• Momente nga përplasja e Berishës dhe Ramës në Kuvend, ndërhyn Garda
• VIDEO| Fëmijët hyjnë në sallën e Kuvendit, Rama ndërpret fjalën
• Sot në Kuvend rezoluta e PS-së për Kosovën