Messi nuk ka ndërmend të tërhiqet, rinovon kontratën me Inter Miami

Futbollisti argjentinas Lionel Mesi ka vendosur të rinovojë kontratën me Inter Majemin deri në vitin 2028, duke i dhënë fund zërave për një largim nga SHBA-të. Lionel Messi nuk ka ndërmend të tërhiqet nga futbolli, madje as të largohet nga Shtetet e Bashkuara të Amerikës, e këtë e ka konfirmuar pasi ka nënshkruar kontratën e re me Inter Miamin.

Argjentinasi po kalon një periudhë pozitive, madje gjërat kanë shkuar mirë me ekipin e MLS, kështu që ka vendosur të qëndrojë edhe për 3 vite të tjera. Aktualisht 38-vjecar, Messi është i bindur që mund të japë akoma, sidomos kur vitin e ardhshëm merr pjesë në kampionatin botëror, ashtu si dhe rivali i tij historic, CR7.

Inter Miami ka publikuar në rrjetet sociale pamjet nga momenti i nënshkrimit me Messin, ku i ka gëzuar pa masë tifozët, teksa kujtojmë që prej transferimit të tij, në ekip u afruan dhe Jordi Alba, Luis Suarez apo Sergio Busquets e i fundit Rodrigo De Paul.

“Sot, jam shumë i lumtur që ai është ende aq i përkushtuar sa ka qenë gjithmonë dhe ende dëshiron të veshë uniformën rozë të Miamit dhe të luajë për ekipin tonë. Si pronar, të kem një lojtar që e do lojën aq sa ai, dhe që ka bërë aq shumë për lojën në këtë vend dhe që ka frymëzuar brezin e ardhshëm të talenteve të rinj sa ai, ndihem shumë me fat. Faleminderit Leo, gëzuar të ardhmen”, shkroi David Beckham i cili është një prej pronarëve të ekipit amerikan që bindi Messin të qëndrojë.

LEXONI GJITHASHTU: 

• Messi i prekur në lot: Nuk mendoj se do luaj në Kupën e Botës (VIDEO)
• Messi dhuron spektakël, Argjentina mposht Venezuelën 3-0, fiton dhe Brazili