Messi rikthehet pas dëmtimit, argjentinasi realizon “dopietë” me Miamin

Lionel Messi është rikthyer në mënyrën më të mirë të mundshme tek Inter Miami, duke realizuar një dopietë në përballjen e tij të parë pas dëmtimit. Argjentinasi shkëlqeu në MLS, duke ndihmuar skuadrën e tij të merrte një fitore me shumë vlerë. Ndaj Philadelphia Union, e nisi si titullar madje me shiritin e kapitenit në krah.

Goli i parë i përballjes erdhi në minutën e 26’ nga 37-vjeçari Messi, i cili dyfishoi pas vetëm 4 minutash. Në fraksionin e parë u anulua dhe një tjetër gol për Miamin me autor Suarez, ndërsa miqtë nga Filadelfia kishin shënuar të parët në këtë duel.

Në pjesën e dytë shanse kishte për të dyja skuadrat, por fitorja 3-1 do të vulosej në limite, aty ku Messi asistoi për Suarez, me uruguaianin që e dërgoi topin në rrjetë.

Kjo ishte fitorja e 19-të për Miamin që qëndroi në krye të klasifikimit me 10 pikë më tepër nga vendi i dytë. Përballja e radhës për ekipin në pronësi të David Beckham është ajo ndaj Atlantës.