Meta: Fermerët po braktisen, bujqësia në gjendje zie për shkak të Open Balkan

Kryetari i Partisë së Lirisë, Ilir Meta ishte këtë të mërkurë në fshatrat e Fierit, ku ka parë nga afër gjendjen e fermerëve në atë zonë.

Sipas Metës, fermerët janë në prag falimenti dhe mungesa e subvencioneve nga qeveria po çon drejt braktisjes totale të bujqësisë.

“Shqipëria është në një gjendje emeregjence. Shteti ka rënë në çdo aspekt, ka falimentuar, pikërisht për faj të një kryeministri që ka 10 vjet që bën ekspertimente me shqiptarët. Bujqësia është në gjendje zie”, u shpreh ai.

Meta se situata në bujqësi është një nga pasojat e projektit “Open Balkan” që mbështet kryeministri Rama.

“Këto janë pasojat e Ballkanit të Hapur që nxit qëllimisht Edi Rama, pasi dihet që vendi ynë është në një situate të pafavorshme, për arsye sepse jemi vendi ku qeveria mbështet më pak apo nuk e mbështet fare bujqësinë”, thotë Meta.

Gjatë takimeve, Meta është shprehur se qasja e qeverisë ndaj bujqësisë duhet të ndryshojë dhe ajo duhet bëhet prioritet i zhvillimit të vendit.

LEXONI GJITHASHTU

• Vdekja e të miturës, Meta: Autor është Edi Rama, që sot po kërkon të bëjë viktimën