Meta përfundon takimin me Berishën: Do përshkallëzojmë luftën kundër korrupsionit

Kreu i Partisë së Lirisë, Ilir Meta dha një deklaratë për mediat pas përfundimit të takimit të tij me Sali Berishën brenda selisë së Partisë Demokratike.

Ai u pyet për protestat, për të cilat tha se i kanë mbështetur gjithmonë, jo vetëm të iniciuara nga partitë opozitare, por dhe nga qytetarët.

“Vendimi është përshkallëzimi i luftës kundër korrupsionit, që do të thotë vazhdimi pa ndërprerje i angazhimit tonë për të denoncuar aferën e tmerrshme të djegësve që ka vajtur tashmë mbi 700 milionë euro dhe që vazhdon çdo ditë dhe vendosjen e përgjegjësve kryesorë të kësaj afere përpara drejtësisë edhe në raport me qytetarët shqiptarë,” – u shpreh Meta.

Kreu i PL-së u pyet edhe për thirrjen e nënkryetarit Petrit Vasili në SPAK, çështje për të cilën Meta tha se nuk shqetësohet për asnjë raport të tijin me drejtësinë.

“Problemi dhe shqetësimi kryesor është se paratë e shqiptarëve digjen lumë nga korrupsioni i cili ka si garant kryesor edhe kreun e aferës së djegësve që është vetë kryeministri,” – deklaroi Meta.

LEXONI GJITHASHTU:

• Pas humbjes në Rrogozhinë, Ilir Meta takim me Sali Berishën në selinë blu
• Meta: Shtatori do sjellë zhvillime të forta zgjedhore në Shqipëri