Meta uron 24-vjetorin e çlirimit të Kosovës: Mirënjohës NATO-s dhe aleatëve

Kryetari i Partisë së Lirisë, Ilir Meta, ka uruar 24-vjetorin e çlirimit të Kosovës. Përmes një postimi në rrjetin social facebook, ish-presidenti, shkruan se çdo shqiptar ndihet sot krenar për zhvillimin e Kosovës dhe avancimin e saj në proceset integruese.

Meta shpreh gjithashtu mirënjohjen falenderuese për NATO-n dhe aleatët që i dhanë fund gjenocidit serb dhe çliruan Kosovën.

“Gëzuar 24-vjetorin e lirisë Kosovë e dashur!

Sot në Ditën e Çlirimit çdo shqiptar ndihet krenar dhe i gëzohet arritjeve të Republikës së Kosovës, zhvillimit të pandalshëm dhe avancimit solid në proceset integruese europiane dhe euro-atlantike.

Faktor kyç i provuar për paqen, stabilitetin dhe sigurinë në rajon! Model frymëzues i ndërtimit të shtetit ligjor! Edhe pse shteti më i ri i rajonit Kosova është bërë një shembull për zgjedhjet e lira, demokracinë funksionale, mirëqeverisjen dhe llogaridhënien!

Mirënjohje dhe thellësisht falenderues për NATO-n dhe vendet demokratike mike, që i dhanë fund gjenocidit dhe kurorëzuan aspiratën shekullore për liri”, shkruan Meta në facebook.

LEXONI GJITHASHTU: 

• Rama kujton hyrjen e NATO-së në Kosovë: Pa ta s’do kishte demokraci e liri
• 24 vite nga çlirimi i Kosovës! Si u shkrua historia pas bombardimeve