Miku i të zhdukurit: Po të kërkonin lekë, jepnim 100-fishin e vlerës së tokës

Altin Gjini, miku i Fatmir Sulovari, një prej dy personave të zhdukur në Sarandë zbuloi në studion e Euronews Albania detaje nga ngjarja e rëndë në jug të vendit.

Gjini tha se familjarët nuk kanë më asnjë pritshmëri që të afërmit e tyre të jenë gjallë.

Ai theksoi se kjo ngjarje nuk mund të jetë një pengamarrje për çështje parash, pasi familja e Sulovarit kishte mundësi ekonomike që t’i pagonte 100-fish vlerën prej 21 mijë euro të tokës që dyshohet se ka lindur konflikti.

“Drama ka ndodhur në 8 ditëshin e parë. Aty ka filluar gjithë pjesa negative e kësaj historie. Por as në këtë kohë nuk e besoj se mund të ketë qenë gjallë.

Fatmiri është një djalë që nuk kushte normale nuk do të kishte shans në botë të mos bënte një njoftim në çfarëdo kushte që do ndodhej.

Këta persona nëse do të bënin pengmarrje do të kërkonin lekë dhe familja do t’ia kthente 100 fish atë vlerën e tokës prej 21 mijë euro, pasi ka burime ekonomike”, tha Gjini.

Sipa Gjinit, Sulovari banon në Fier dhe shkoi në Sarandë të merrte në mbrojtje të njohurin e tij Lenard Theodhori, i njohur si Koçole, i cili dyshihet se ishte në konflikt me disa persona pasi kishte shitur dy herë një tokë në fshatin Çukë.

LEXO GJITHASHTU

• “Ikni, do hani plumbin”- Policia reagon për denoncimin e koalicionit Bashkë Fitojmë
• Zhdukja e Koçoles e Sulovarit, gazetari: Kërkime me qentë nga Kosova, çfarë dyshohet