Ministeriali në Tiranë| Hasani: Të arrijmë diçka që të jetë e prekshme nga qytetarët

Ministri për Europën dhe Punët e Jashtme, Igli Hasani ka mbajtur fjalën e tij në konferencën e përbashkët me ministren për punët e Jashtme të Gjermanisë, Annalena Baerbock dhe komisionerin Oliver Varhelyi.

Ai përmendi dy nga sektorët kyç në agjendën e Procesit të Berlinit, siç janë energjia dhe transporti. Sidoqoftë, Hasani theksoi se kanë punuar edhe në fusha të tjera që do të ndihmojnë rajonin të integrohet në tregun e përbashkët.

“Ajo që duam të arrijmë është një rigjallërim i procesit të integrimit europian të vendve tona, të konkretizohet në masa që së pari janë të prekshme nga qytetarët e vendeve tona duke ndikuar në jetën e tyre të përditshme e së dyti të përgatisim ekonomikisht vendet tona për anëtarësim duke krijuar kushtet që ekonomitë tona të funksionojnë në mënyrë të suksesshme brenda tregut të përbashkët europian,” – u shpreh Hasani.

Këtë të premte në Tiranë mbahet ministeriali mes ministrave të Jashtëm të Ballkanit Perëndimor dhe disa ministrave të Bashkimit Europian.

Ky takim i cili drejtohet nga Igli Hasani, i paraprin samitit të Procesit të Berlinit më 16 Tetor në kryeqytet.

LEXONI GJITHASHTU:

• Daçiç: Mungova në foton familjare të ministerialit prej flamurit të Kosovës
• “Keni mbështetjen tonë”- Ministri i Jashtëm grek takon Kryepeshkopin Janullatos