Ministri i Jashtëm grek për Belerin: Shqipëria të respektojë shtetin e së drejtës

Ministri i jashtëm grek ka reaguar sërish lidhur me refuzimin e kërkesës për masë më të butë sigurie nga Gjykata e Lartë për Fredi Belerin.

Sipas ministrit të Jashtëm grek ky vendim është negativ dhe ka paralajmëruar Shqipërinë të respektojë shtetin e së drejtës nëse do të jetë pjesë e familjes europiane. Gjithashtu ministri i ka bërë thirrje qeverisë shqiptare të sigurojë betimin e menjëhershëm të Belerit brenda apo jashtë burgut.

Diplomati shton në njoftimin për mediat se Ministria e Jashtme do të vazhdojë të monitorojë nga afër zhvillimin e çështjes dhe do ta ngrejë këtë çështje në të gjitha forumet ndërkombëtare.

Kujtojmë se Fredi Beleri u arrestua dy ditë para zgjedhjeve vendore të 14 majit, nën dyshimet se kishte ofruar para për vota në favor të tij. Hetimet nisën pas sinjalizimeve të marra nga policia dhe denoncimit në Prokurorinë e Vlorës të një qytetari nga Himara.

Fillimisht ai u hetua nga prokuroria e Vlorës, më pas çështja i kaloi SPAK për krime zgjedhore.

Edhe pse i mandatuar nga KQZ, ai nuk ka mundur do të kryej betimin në Këshillin Bashkiak, duke bërë që të mos marrë drejtimin si kryebashkiaku i ri i Himarës.

LEXONI GJITHASHTU:

• Kërkoi një masë më të butë sigurie, Gjykata e Lartë lë në burg Fredi Belerin
• Artan Hoxha flet për herë të parë për letrën e Belerit nga burgu…
• Dule: Mbajtja në burg e Belerit, një njollë e zezë për demokracinë shqiptare