Ministri i Mbrojtjes: Krenarë për ekipet e kërkim-shpëtimit që ndihmuan Turqinë

Ministri i Mbrojtjes Niko Peleshi ka shprehur mirënjohjen për ekipin e Forcave të Armatosura dhe Emergjencat Civile të cilat kontribuan përgjatë 11-ditëve në operacionet e kërkim-shpëtimit në Turqi.

Përmes një postimi në facebook Peleshi shkruan se ekipet shqiptare të kërkim-shpëtimit kanë marrë vlerësimet maksimale si në turqi ashtu edhe brenda vendit.

“Krenari dhe mirënjohje pafund për 3 ekipet e vajzave dhe djemve nga Forcat e Armatosura, Emergjencat Civile dhe ekipet shëndetësore që kontribuuan përgjatë 11 ditëve në operacionet e kërkim-shpëtimit në zonat e shkatërruara nga dy tërmetet e fuqishme në Turqi.

Ata u nisën për t’u kthyer në Atdhe, duke marrë me vete edhe respektin e popullit turk, që njëherësh është vlerësim për Shqipërinë tonë. Të gatshëm dhe solidarë sa herë të jetë nevoja për kontributin tonë”, shkruan ministri i Mbrojtjes në facebook.

LEXONI GJITHASHTU:

• Vdes ish-futbollisti i Chelsea, trupi gjendet nën rrënoja 12 ditë pas tërmetit
• Lindi në tërmetin e vitit 99, historia e 24-vjeçarit që u sakrifikua për vëllanë
• Humbi 3 fëmijët nga tërmeti, mesazhi prekës i babait: Viktima të lakmisë sonë