Ministria e Financave “zbarkon” në Uashington, gazetari zbulon arsyen

Gazetari Bardhi Sejdarasi thotë se forcat politike duhet të gjenin konsensusin për të ligjin e amnistisë fiskale.

Në emisionin Now në Euronews Albania, gazetari u shpreh se ende nuk ka një draft final lidhur me këtë projektligj, pasi drafti i muajit qershor që u kundërshtua nga FMN, iu nënshtruar konsultimeve publike për 3 muaj.

Ai zbuloi se ministrja e Financave dhe zyrtarë të këtij institucione janë sot në Uashington për të diskutuar lidhur me këtë gjë.

“Amnistia do konsensus, forcat politike duhet ta gjenin konsensusin duke propozuar shtesa, ndryshime, ose ta fshinin fare që s’bëhet. FMN deklaroi që kishte parë vetëm draftin e qershorit, ndërkohë në shtator ka draft tjetër. Sot ministrja e Financave dhe Ekonomisë dhe zyrtarë të tjerë sot janë në Uashington për të diskutuar për këtë gjë. Asnjë nuk e ka draftin që po negociohet. Drafti është i vitit 2019 u shty për shkak të pandemisë dhe në qershor 2022 u hodh në konsultim publik 3 muaj”, tha gazetari.

LEXONI GJITHASHTU:

• Progres-raporti i BE-së, Tabaku: S’ka kompromis për amnistinë fiskale
• Amnistia fiskale, Erebara: Qeveria po përpiqet të fitojë betejën me propagandë