Ministrja Balluku: Ka krizë energjitike, po mbrojmë biznesin

“Synimi ynë është që askush të mos ekspozohet ndaj çmimit të lartë në treg të energjisë”. Kështu deklaroi ministrja e Infastrukturës dhe Energjisë, Belinda Balluku në emisionin “Now me Erla Mëhillin”.

“Kriza energjitike nuk po troket në derë, ka hyrë brenda tashmë. Rama e ka njoftuar që në shtator të 2021. Ne e kemi paralajmëruar dhe ndaj kemi marrë masat për këtë krizë. Ne nuk kemi ekspozuar biznesin e madh ndaj kësaj krize”, u shpreh ministrja.

Ajo nënvizoi se qeveria ka mbrojtur tre fasha të rëndësishme që janë familjarët, biznesi i vogël dhe bizneset që janë të lidhura me tensionin e mësëm.

“Dëshira jonë është që të mos ekspozojmë asnjë nga grupet që i kemi marrë në mbrojtje. Do rishikojmë njëherë këtë vendim, kemi bërë marrëveshje që në maj të këtij viti do të ulemi në tryezë për të biseduar”, u shpreh ajo.