Ministrja gjermane e Mbrojtjes jep dorëheqjen

Ministrja e Mbrojtjes e Gjermanisë, Christine Lambrecht, ka dhënë dorëheqjen pas një sërë gabimesh dhe katastrofash.

Dorëheqja e saj vjen në një periudhë ku Berlini është nën presion në rritje për të lejuar dërgimin e tankeve luftarake të ndërtuara nga Gjermania në Ukrainë.

Sipas asaj që raportojnë mediat e huaja, Lambrecht u tall për njoftimin e saj se Gjermania po mbështeste Ukrainën duke dërguar 5000 helmeta ushtarake.

Ajo gjithashtu u kritikua gjerësisht për dështimin në përmirësimin e forcave të armatosura të Gjermanisë.

Zonja Lambrecht, një anëtare e socialdemokratëve (SPD) të kancelarit Olaf Scholz, gjithashtu u kritikua kur u zbulua se ajo kishte marrë djalin e saj në një udhëtim me një helikopter ushtarak.

Në një deklaratë dorëheqjeje të parë nga agjencia kombëtare gjermane e lajmeve, zonja Lambrecht tha: “Mujajt e përqendrimit të medias tek unë nuk lejojnë raportime dhe diskutime të bazuara në fakte për ushtarët, ushtrinë dhe politikën e sigurisë në interes të qytetarëve gjermanë.

Qeveria gjermane po përballet me thirrje të rinovuara për të miratuar dorëzimin e tankeve Leopard 2 të prodhimit gjerman.

Nuk është ende e qartë se kush do ta pasojë zonjushën Lambrecht.

LEXONI GJITHASHTU: 

• Censusi i shpendëve, klima largon zogjtë nga vendi
• ‘Gjuha diskriminuese ndaj shqiptarëve cenon bashkëpunimin’, notë verbale Britanisë 
• “Mafia në Shkodër si ajo italiane”, gazetari: Veprojnë si security, marrin gjoba