Ministrja e Kulturës, Elva Margariti tha për Euronews Albania se 41 qytetarë kanë përfituar nga bonusi i rijetëzimit për të restauruar banesat e tyre.

Sipas saj numri më i lartë i fituesve ka qenë ne Berat dhe Gjirokastër.

Ministrja sqaroi se nga bonusi i rijetëzimit përfitojnë qytetarët që kanë banesat e tyre në zonat historike apo arkeologjike.

“Është nisma më e re Ministrisë së Kulturës, quhet bonusi i rijetëzimit, është nisma që bën bashkë buxhetin e shtetit dhe fondin e qytetarëve,ata të citët jetojnë në qendrat historike, jo domosdoshmërisht që shtëpinë e tyre ta kenë monument kulture, por pjesë të zonë historike. Ata mund ta restaurojnë shtëpinë e tyre jo vetëm për ta mirëmbajtur por edhe për ta kthyer atë në funksione, si bujtinat, hotelet, ekspozita fotografish. Këtë vit patëm 96 aplikues, 41 fitues. Numri më i lartë ka qenë në Berat dhe Gjirokastër”, u shpreh ajo.

“Kritetet janë edhe në bazë të rëndësisë së objektit, por edhe të formulës së biznesit, sa persona do të punësohet, sa i qëndrueshëm është. Kemi parashtruar gjithashtu edhe aspektin social, nëse kemi një emigrant që do të kthehet në qytetin e tij për investuar, i japim ekstra-pikë”, tha ajo më tej.

LEXONI GJITHASHTU:

• Ndalimi i trafikimit të ikonave, ministrja Margariti jep detaje nga marrëveshja
• Aktivistët e klimës në Austri hedhin bojë të zezë mbi kryeveprën e Gustav Klimt
• Aktivistët parisien po kursejnë energji në mënyrën më origjinale të mundshme