Ndalimi i trafikimit të ikonave, ministrja Margariti jep detaje nga marrëveshja

Ministrja e Kulturës, Elva Margariti u shpreh në një intervistë për Euronews Albania se kanë nënshkruar një marrëveshje bashkëpunimi me Ministrinë e Brendshme dhe me Prokurorinë e Përgjithshme për ndalimin e trafikimit të ikonave.

“Është një marrëveshje bashkëpunimi midis 3 institucionevepër ndalimin e trafikimit të pasurive kulturore. Kemi kuptuar gjatë operacioneve të ndryshme që ishte e nevojshme që të identifikonin hapat proceduralë, sesi të lidheshim dhe koordinoheshim për të përshpejtuar proceset. Sot marrëveshja vendos të gjitha institucionet përpara një kuadri të qartë hapash, masash mbështetjesh që bën të mundur që punonjësit të kenë më të lehtë hapat për ekzekutimin”, u shpreh ajo.

“Më parë kemi nënshkruar një marrëveshje së bashku me kongresin amerikan për bashkëpunimin në mbrojtjen e pasurive kulturore dhe në luftën kundër trafikut të paligjshëm. Kjo ka sjellë një trajnim të posaçëm në disa institucioneve të vendit”, tha më tej ministrja.

LEXONI GJITHASHTU:

• Aktivistët e klimës në Austri hedhin bojë të zezë mbi kryeveprën e Gustav Klimt
• Aktivistët parisien po kursejnë energji në mënyrën më origjinale të mundshme
• ​KE: Belgjika do të ketë deficitin më të madh buxhetor në Eurozonë