Kampionët në fuqi të Evropës, Italia përballen në mbrëmje me Turqinë në një test vërtet serioz. Skuadra e Spallettit ka preferuar që ndeshjet miqësore t’i zhvillojë ndaj skuadrave të një niveli të konsiderueshëm si Turqia, e cila është e kualifikuar në Euro 2024, por edhe Bosnja, e cila u mposht nga Anglia. Axurrët do të provojnë të gjejnë formën optimale në prag të ndeshjes së parë të europianit, ku sfidohen nga Shqipëria, kundërshtar të cilin e njohin mjaft mirë.

Bolonja mirëpret testin e parë të Spalletit me turqit që po ashtu dëshirojnë të dijnë situatën e grupit. Këtë të martë zhvillohen disa ndeshje interesante ku në fushë zbresin kombëtare si Zvicra, Austria, Serbia apo edhe Portugalia. Këta të fundit zhvillojnë ndeshjen me Finlandën, një prej ekipeve që ishte shumë pranë kualifikimit në Euro 2024. Portugezët janë favoritë të padiskutueshëm në këtë duel, por rezultati nuk është synimi kryesor, por gjendja e lojtarëve, teksa pjesë e grupit është dhe CR7, i grumbulluar pas paraqitjeve me Al Nassr në Arabinë Saudite.

Zvicra e Xhakës e Shaqirit mat forcat me Estoninë, në një ndeshje ku niveli i vështirësisë është dukshëm i ulët.