Miqësoret në prag të Euro 2024, nuk “zhgënjejnë” të mëdhenjtë

Kur duhen edhe 8 ditë nga fillimi i Gjermani 2024, pjesëmarrësit nxitojnë tu japin dorën e fundit përgatitjeve për fazën finale. Me këtë objektiv luajtën dhe fituan miqësoret e rradhës pretendentë si Franca dhe Spanja por nuk mbetën pas as Belgjika dhe Danimarka. Të mëdhenjtë e të mërkurës nuk i lanë asgjë rastësistë duke mos zhgënjyer aspak.

12 gola në 4 ndeshje ndaj rivalësh jo të gjithë modestë. I pritshëm suksesi iberik në derbin ndaj Andorrës me 3 golëshin e Oyarzabal në pj e dytë. Ndërsa sfidën që hapi Perez e mbylli Torres në shtëpi.

Tripletë e Le Bleus që kërkuan 43’ për të zhbllokuar rezultatin ndaj Luksemburgut në Metz. Dy asist nga kapiteni Mbappe, një për cdo pjesë që u shfrytëzuan nga Muani dhe Clauss mjaftuan për të vënë qetësinë në lojë. 5’ nga fundi i kohës së rregullt, Mbappe gjeti një gol personal për të kompletuar mbrëmjen.

Dy kartona të verdhë për Brnovic ndihmuan Belgjikën të shënonte 2 herë në portën e malazezëve që u ndëshkuan në fundin e cdo pjese. De Bruyne në të parën dhe Trossard në të dytën mjaftuan për fitoren e të besuarve të Tedesco-s.

E ngushtë ishte fitorja e Danimarkës në derbin nordik ndaj Suedisë. Dy gola të shpejtë brenda 9’ përcaktuan barazimin e pj së parë. Hojbjerg dhe Isak pritën 4 minutat e fundit për të njohur rezultatin kur Eriksen shënoi golin e fitores për danezët.