Mirush Kabashi tregon të pathënat e filmit “Koncert në vitin 1936”

Mirush Kabashi tregoi në Euronews Albania disa nga detajet e filmit “Koncert në vitin 1936”.

Ai tregoi se Enver Hoxha e kishte pëlqyer pjesën e tij dhe të Robert Ndrenikës, moment ky që i hapi dyert dy aktorëve në rrugën e kinematografisë.

Kabashi u shpreh se nuk e dinte si vendosi Enver Hoxha të deklaronte pëlqimin e tij për filmin, por për ta ishte një dritë jeshile.

“Unë kam përshtypjen që ka pasur shumë detaje që kanë lindur mbi bazën e skenarit. Kiço Blushi ishte njeri shumë fisnik. Ai vetë ngacmonte krijimtarinë e artistëve,” – u shpreh aktori i pyetur për ndryshimet e bëra në skenar.

Kabashi tregoi një nga këto momente kur në fund të filmit bëhej revolta dhe aktori duhej të hipte mbi një karrike dhe u rrëzua.

U bënë dy dubla për këtë skenë, siç tregoi aktori mes të qeshurash, dhe vetë regjisori kishte dalë nga skenari duke i porositur që ta rrëzojnë.

LEXONI GJITHASHTU:

• “Në plazh bënte ‘mu’, shumë e bukur”- Kabashi zbulon pianisten e Koncert në vitin 36