Misioni i NASA-s në hënë, diplomohet klasa e re e astronautëve

10 Janar 2020 | 19:35

Astronautët e ri të NASA janë gati të dalin nga guaska e tyre dhe të ecin në hënë.

Nën nofkën “Breshkat”, klasa e 22-të e astronautëve të diplomuar nga agjencia hapësinore, janë tashmë gati për të fluturuar në hapësirë. Në një ceremoni të mbajtur në Qendrën “Johnson Space” në Hjuston, u nderuan 11 amerikanë dhe 2 astronautë nga Agjencia Hapësinore Kanadeze

Klasa e re prej 6 vajzash dhe 7 djemsh, do të rrisë trupën aktuale të NASA-s prej 48 anëtarësh.  

Të përzgjedhur nga një numër rekord kandidatësh, astronautët e rinj do të marrin spilën e tyre të astronautit nga programi “Artemis” i NASA-s, e cila synon të zbresë gruan e parë dhe burrin e dytë në hënë deri në 2024-n. Anëtarët e kësaj klase mund të jenë astronautët e parë që do të fluturojnë në hënë që nga programi Apollo, 50 vite më parë.

Për të arritur në këtë pikë, “Breshkat”, janë mbajtur për më shumë se dy vjet për trajnime bazë, duke marrë pjesë në stërvitje nënujore në mënyrë që të mësojnë sesi të ecin në hapësirë. Më pas janë dërguar në ekskursione gjeologjie, janë trajnuar sesi të operojnë robotë dhe kanë mësuar taktika mbijetese.  

NASA stërvit astronautë që nga viti 1959. Duke përfshirë dhe “Breshkat”, Agjencia Kombëtare Hapësinore ka kualifikuar 347 burra dhe gra për fluturime në hapësirë dhe ka stërvitur 34 astronautë profesionistë nga Kanadaja, Japonia dhe Agjencia Hapësinore Europiane (ESA).

Home Kryefaqja
Shiko në: YouTube
Lajme të Sugjeruara

Inteligjenca artificiale kthehet në “asistent blerjesh” online

ChatGPT do të ketë së shpejti mundësinë të kryejë blerje online në emër të përdoruesve, falë një partneriteti të ri mes OpenAI dhe Visa. Teknologjia...
18:02 | 12/06/2026

Studimi: Arti dhe kultura mund të ngadalësojnë plakjen biologjike

Një studim i ri i zhvilluar në Londër ka zbuluar se angazhimi i rregullt në aktivitete artistike dhe kulturore mund të ndihmojë në ngadalësimin e...
14:15 | 12/05/2026

“Jam goca që thyen kockat”, akrobatja 17-vjeçare: Më thonë a ke hequr brinjët!

Enxhi Bardhi, vetëm 17 vjeç, është një akrobate e talentuar që po spikat me përkushtimin dhe disiplinën e saj në ushtrime dinamike. Ajo synon ta...
17:35 | 29/04/2026