Missi që vajton me shami, akstivistja: Mesazh destruktiv për Kosovën

Miss Kosova, Roksana Ibrahimi, u paraqit në Miss Universe e mbuluar me shaminë e kuqe, e kësaj veshjeje i bashkangjiti edhe veprimin e ‘marrjes së dorës’, një traditë kjo e kohërave më të vjetra dhe me origjinë turke.

Ndërkohë aktivistja Elena Bogëjani, e ftuar në emisionin “Good Morning Albania” në Euronews Albania, tha se me veshjen që u paraqit Ibrahimi ka dashur të përcjellë një mesazh që i ngjan orientalizmit.

Sipas saj veshja e saj dhe marrja e dorës është mesazhi më destruktiv për Kosovën.

“ Mendoj se është dashur të përçohet një mesazh që i ngjan orientalizmit. Mesazhi ka qenë shumë i qartë, që kështu martohen vajzat shqiptare në Kosovë. Ajo vajton natë e ditë që paska me u martu e se burrin nuk e zgjodhi vet. Është mesazhi me destruktiv që është përçuar ndonjëherë për ne. Kjo është makabër. Duhet të mbajnë përgjegjësi. Nuk i marrim gjërat me seriozitet”- tha ajo.

LEXONI GJITHASHTU: 

• Rama në Forumin e Davosit: Kemi ende sulme kibernetike ndaj Shqipërisë
• Veshje patriarkale në “Miss Universe”
• Gërhisni? Mjeku Minarolli: Mos flini me shpinë