Mitingu përmbyllës i fushatës së PD-së: Mijëra qytetarë mbushin Bulevardin e Tiranës

Ka nisur zyrtarisht mitingu përmbyllës i fushatës elektorale të Partisë Demokratike, ku mijëra qytetarë i janë përgjigjur ftesës së ish-kryeministrit Sali Berisha.

Të mbledhur te zona e njohur e Tiranës, te ish-Stacioni i Trenit, ata po përmbyllin një fushatë që kishte nisur po nga ky qytet më 11 prill.

Me flamuj në duar, kapelet e numrit 1 dhe bluzat e stampuara me logon e Partisë Demokratike, qytetarët kanë mbushur Bulevardin e Ri, duke treguar një mobilizim të gjerë për këtë ngjarje të rëndësishme. Sipas të dhënave të bëra publike më herët, demokratët kanë parashikuar se në këtë miting do të marrin pjesë mbi 10 mijë qytetarë.

Përveç ish-kryeministrit dhe kreut të Partisë Demokratike, Sali Berisha, një tjetër figurë e rëndësishme e fushatës, Chris LaCivita, strategu i saj, do të mbajë fjalën gjatë këtij tubimi, duke ofruar mbështetje për vizionin dhe planin e PD-së për të ardhmen e Shqipërisë.

LEXONI GJITHASHTU:

• VIDEO-LIVE/ PS mbyll fushatën e 11 majit në Tiranë, Rama shfaqet krah bashkëshortes
• Emrat/ Stilisti i njohur nga Prishtina plagos bashkëshorten dhe vret veten