Mitsotakis: Do të bëjmë gjithçka për të ndihmuar të prekurit nga përmbytjet

Kryeministri grek, Kyriakos Mitsotakis është zotuar të premten se Qeveria e tij do të bëjë “gjithçka që mund të bëjë njeriu” për t’i ndihmuar rajonet e goditura nga përmbytjet, teksa e ka parë nga afër shkatërrimin në Karditsa.

Një stuhi e fuqishme e ka goditur qendrën e Greqisë këtë javë, e përcjellë me shi të rrëmbyeshëm.

Greqia është përballur me këtë situatë teksa ka qenë duke tentuar të rimëkëmbet nga sezoni i zjarreve të verës.

Meteorologët kanë thënë se sasia e reshjeve këto ditë ka qenë e pashembullt – mbi 700 litra për metër katrorë në më pak se 24 orë.

LEXONI GJITHASHTU:

• Akuza e studiuesit: Mitsotakis ka ndërhyrë në zgjedhjet në Himarë
• Mbi 1.500 km katrorë të djegur, Mitsotakis bën bilancin e dëmeve në Parlament