Mitsotakis në Himarë: Do mbështesë Shqipërinë në rrugën drejt BE

Kryeministri grek Kyriakos Mitsotakis ndodhet në Shqipëri ku fillimisht u ndal në Himarë ku dhe vizitoi shkollën Omiros.

Ai mbajti në fjalim para qytetarëve të Himarës të cilët e pritën me brohoritje dhe flamuj grek, duke thënë se minoritarët që jetojnë në Shqipëri do të kenë mbështetjen e shtetit grek.

“Ju që qëndruat këtu zgjodhët të ishit një urë komunikimi për ne. Do ta mbështesë Shqipërinë në rrugën drejt Bashkimit Europian. Të drejtat e minoritetit grek do të respektohen dhe për këtë do të jetë garantë qeveria greke.

Kryeministri grek theksoi se do të jap gjithë mbështetjen dhe për brezat që do të vijnë në mënyrë që të mësojnë gjuhën dhe kulturën greke. Ai ndau dhe emocionet e tij në shkollën në Himarë.

“U emocionova që fëmijët mësojnë dhe gjuhën shqipe dhe gjuhën greke”- theksoi ai.

Ndalesat e radhës të vizitës së kryeministrit grek janë Livadhja dhe Derviçani.
Në Derviçan do të pritet nga Edi Rama ndërsa në Livadhj nga ministrja e Mjedisit dhe Turizmit, Mirela Koumbaro.

LEXONI GJITHASHTU: 

• ‘Fshatarët paguajnë 8 taksa’, Dashnor Sula i drejtohet ministres Ibrahimaj
• Mitsotakis në Himarë, Dule: Dha mesazhe bashkëpunimi dhe fqinjësie të mirë
• Ambasadori rus paralajmëron përshkallëzimin e luftës në Ukrainë