Mjekja alergologe Alkerta Ibranji tha në një intervistë për “Good morning Albanians” në Euronews Albania se alergjia është një sëmundje e pashërueshme.

Sipas saj çdo njeri që vuan nga alergjitë është i detyruar të jetojë me to gjatë gjithë jetës pasi bëhet fjalë për një sëmundje kronike.

“Është një sëmundje kronike, pavarësisht se simptomat i vuan me sezon, alergjia është me ty edhe kur ti fle dhe nuk ndjen asnjë lloj ankese. Pra, kush është alergjik, ngelet alergjik gjithë jetën. Pra, ekziston rreziku që të zhvillosh astma në një periudhë të caktuar të jetës,” – u shpreh alergologia.

Shumë persona alergjitë e stinës i lidhin me çeljen e luleve apo edhe qarkullimin e poleneve, mirëpo ka edhe disa faktorë të tjerë.

Mjekët thonë se ndryshimet e menjëhershme të temperaturave, të lagështirës, të presionit atmosferik, apo edhe erërat e ftohta mund të irritojnë rrugët e frymëmarrjes që nga hundët deri në bronket apo rëndime të astmës.

LEXONI GJITHASHTU:

• Vaksina e alergjisë, a duhet ta bëjmë tani në pranverë? Mjekja saktëson
• Mjekja alergologe: Nëse keni alergji nga një ushqim, përfundoni patjetër në spital