Mjekja alergologe: Nëse keni alergji nga një ushqim, përfundoni patjetër në spital

Mjekja alergologe Alkerta Ibranji tha në një intervistë për “Good morning Albanians” në Euronews Albania se një alergji e caktuar nga një ushqim të çon menjëherë në spital.

Sipas saj nëse një produkt ju shkakton reaksion, menaxhimi në kushte shtëpie është i pamundur.

“Alergjitë ushqimore, s’ka rëndësi kur ti e konsumon ushqimin. Absolutisht të rrezikon jetën,” – tregoi mjekja e cila theksoi se në botë renditet qumështi si produkti ushqimor që shkakton alergjitë më të mëdha.

Më pas vjen veza, frutat e detit, soja e me radhë.

Shumë persona alergjitë e stinës i lidhin me çeljen e luleve apo edhe qarkullimin e poleneve, mirëpo ka edhe disa faktorë të tjerë.

Mjekët thonë se ndryshimet e menjëhershme të temperaturave, të lagështirës, të presionit atmosferik, apo edhe erërat e ftohta mund të irritojnë rrugët e frymëmarrjes që nga hundët deri në bronket apo rëndime të astmës.

LEXONI GJITHASHTU:

• Vaksina e alergjisë, a duhet ta bëjmë tani në pranverë? Mjekja saktëson
• Mjekja: Alergjia nuk shërohet, personi mjekohet, por e vuan gjatë gjithë jetës