Mjekja: Hiqni dorë nga sheqeri dhe ëmbëlsirat, ideal përdorimi 1 herë në javë

Mjekja Aurora Meta Dollenberg tha në një intervistë për “Good morning Albanians” në Euronews Albania se do të ishte ideale që për 1 javë të hiqnim dorë nga sheqeri dhe ëmbëlsirat.

“Karbonitratet ose sheqernat janë armiku kryesor i shëndetit tonë. Duke qenë se jemi në fillim të vitit dhe të gjithë do të donin të kishin disa udhëzime se si të ushqeheshin atëherë unë do të doja shumë që të gjithë ata që na dëgjojnë ta fiksojnë, ne mund të jetojmë më së miri dhe madje është e rekomandueshme që karbonitratet dhe sheqernat, qoftë sheqerin e bardhë që përdorim, qoftë dhe eritritolin që po përmendim sot të gjitha t’i përdorim sa më pak. Pra, duhet të jetë një shijim një herë në javë, ose një herë në muaj,” – tha Meta Dollenberg.

Këshilla erdhi si rrjedhojë e një studimi të ri që pohon se një zëvendësues i sheqerit i quajtur eritritol – i përdorur për të ëmbëlsuar lidhet me koagulimin e gjakut, sulmet në tru, sulmin në zemër madje edhe me vdekjen.

LEXONI GJITHASHTU:

• Sa e njohim eritritolin, ëmbëlsuesin e sheqerit që na rrezikon zemrën dhe trurin?
• Mjekja toksikologe: Sheqeri më toksik dhe krijon më shumë varësi se kokaina