Mjekja: Pacientët shqiptarë vijnë në stadin e 2-të apo 3-të të sëmundjes së mëlçisë

Mjekja Vigjilenca Demiraj tha në një intervistë për “Good morning Albanians” në Euronews Albania se pacientët shqiptarë zakonisht vijnë në stadin e dytë apo të tretë të sëmundjes së mëlçisë.

Bëhet fjalë për stadin fibrozës apo cirozës, ndërkohë që vizita duhet kryer që në stadin e parë të dhjamosjes.

“Ndodh inflamacioni i mëlçisë, por në këtë stad i sëmuri ka një këputje, një lodhje që mund ta ketë sot disa orë, mund ta ketë pas një muaji ose dy muajsh përsëri që e lidh me stresin, punën, lodhjen fizike,” – u shpreh Demiraj.

Mëlçia është një organ shumë sensitiv dhe është thelbësore për tretjen e ushqimit dhe heqjen e substancave toksike nga trupi ynë.

Sëmundja e mëlçisë mund të jetë e trashëguar ose e shkaktuar nga një sërë faktorësh siç janë viruset apo përdorimi i alkoolit.

LEXONI GJITHASHTU:

• 19 prilli, Dita Botërore e Mëlçisë
• Talenti premtues heq dorë nga futbolli, i jep një pjesë të mëlçisë të ëmës