Mjekja nefrologe, Marsida Duli thotë se simptomat e veshkave shfaqen pasi janë dëmtuar mbi 90 %.

Në emisionin “Good Morning Albanians” në Euronews Albania, Duli tregoi disa nga sëmundjet që prekin veshkat.

“Veshka është e ndjeshme edhe nga shumë patologji të tjera të njeriut, siç është diabeti, hipertensioni, sëmundjet kardiovaskulare. Të gjithë indicidët që vuajnë nga këto sëmundje, kanë një prekshmëri të lartë edhe të veshkës njëkohësisht. Ka një prekshmëri multi shumë anëshe, nga shumë patologji.

1 në 7 persona vuajnë nga sëmundjet e veshkës. Nëse nuk trajtohen, diagnostikohen në kohën e duhur, probabiltieti është që të përfundojnë në sëmundje kronike të veshkës. Kur themi 90% jemi “ok”, por simptomatika shfaqet në stade më të përparuara”, theksoi ajo.