Mjekja: Veshkat dhe të gjitha organet e trupit kanë nevojë për ujë

Mjekja Violeta Kacorri tha se konsumi i ujit është domosdoshmëri për organizmin. E ftuar në “Good Morning Albania”, mjekja shpjegoi se pavarësisht se ne mund të jemi persona që nuk e ndiejmë të nevojshëm konsumin e ujin, pra nuk e ndiejmë shpesh etjen, mungesa e tij në organizëm mund të shkaktojë probleme të ndryshme.

Ajo tha se nuk ka shumë rëndësi se si e marrim sasinë e ujit që na duhet, por duhet ta dimë se veshkat dhe të gjitha organet e tjera tonat kanë nevojë për të.

“Si veshkat dhe gjithë organet e tjera kanë nevojë për konsumimin e ujit. Unë nuk po them se çfarë uji të konsumojmë, nuk futem në këto diskutime, por është e nevojshme për çdo situatë.

Një person i cili nuk konsumon ujë sepse nuk dëshiron që të pijë shumë, kjo nuk do të thotë se trupi jot nuk çliron ujë nëpërmjet djersës, apo eventeve të tjera. Ndoshta nuk konsumon 2 litra e gjysmë, mund të konsumosh 1 litër e gjysmë, por kur pi kafen e mëngjesit është e nevojshme një gotë ujë.

Dëshira e konsumit të ujit vjen pasi ti mund të ndiesh tharje të mukozës, tharje të laringut, probleme me urinimin. Nëse flasim për ujin, do shikojmë që moskonsumimi i ujit jep edhe efekte të tjera sekondare”, -tha mjekja Violeta Kacorri.

Ndiqni emisionin e plotë duke klikuar këtu:

LEXONI GJITHASHTU:

• Nutricionisti nuk pi ujë prej vitesh: E marr vetëm nga frutat dhe perimet
• “Do jetoj mbi 150 vjeç sepse kam zgjedhur të mos pi ujë”-deklarata e nutricionistit