Mjeku: 9-12 herë mund të preken fëmijët nga virozat gjatë vitit

Mjeku Pneumolog, Arben Tanka, i ftuar në emisonin GoodMorning Albanians në Euronews Albania tha se infeksionet respiratore këtë vit kanë kapur çdo grupmoshë, por më të prekurit janë fëmijët.

Ai shtoi se fëmijët mund të kalojnë viroza të lehta 9 deri ne 12 herë në vit.

“Infeksionet respiratore kanë pasur një përhapje nga moshat e vogla deri te ato më të mëdhat. Fëmijët e vegjël kalojnë më shumë ftohje të zakonshme, pra ajo që vjen nga viruset. Një fëmijë mund të kalojë 9 deri në 12 lloje të tilla problematikash virusale, kurse pjesa e të rriturve është pak më e kufizuar” tha mjeku.

Gjithashtu mjeku tha se këtë vit gripi ka qenë më i përhapur se vitet e tjera. Arsye për këtë mund të jetë dhe Covid.

“Këtë vit ngaqë ka pasur qarkullim të gripit dhe virozave të tjera, sigurisht dhe ndonjë qarkulli  të lehtë të COVID, kjo ka shpjeguar këtë lloj problematike këtë vit që ka qenë pak më e shprehur”, tha Tanka.

LEXO GJITHASHTU:

• “Lëng qepe me mjaltë për problemet me fytin”-Ja çfarë këshillon mjeku i Sanatoriumit
• Lloji i ri i gripit të shpendëve, mjekët ngrenë alarmin