“Mos t’i hedhim benzinë zjarrit”, Julian Zyla: Po e nxirrni Ramën jashtë kontekstit

Eksperti i komunikimit Julian Zyla i ftuar në emisionin “Now me Erla Mëhillin” ka debatuar me anëtarin e kryesisë së Lëvizjes Vetëvendosje, Elvis Hoxha në lidhje me deklaratat e kryeministrit Rama.

Hoxha i ka quajtur ato deklarata skandaloze dhe në shërbim të Vuçiç, ndërsa Zyla tha se shpesh ato  kanë qenë të nxjerra nga konteksti, pasi sipas ekspertit të komunikimit kryeministri ka thënë të njëjtën gjë që ka thënë Bashkimi Europian dhe Amerika.

“Dua të them se shpesh herë Rama ka qenë thjesht i nxjerrë jashtë kontekstit, edhe në rastin kur tha “mos të kthehemi pas në histori”, Rama e ka pasur në kontekstin që nuk duhet të mbetemi peng i armiqësive të vjetra e “mos t’i hedhim benzinë zjarrit”, por duhet të kërkojmë zgjidhje të reja.

Këtë nuk e ka thënë vetëm Rama por e ka thënë edhe Europa edhe Shtetet e Bashkuara të Amerikës, por kur e thonë ata ju jeni dakord”,-tha Julian Zyla.

LEXONI GJITHASHTU:

• Eni Ferhati: Alma Kaçi njihet si gazetare në Durrës, ka bërë kurs për dedektive
• Bushati: Rama si kryeministër i Qipros, lobon për Vuçiçin nëpër botë