“Mos votoni parti shqiptare!” Lika: Po bëjnë thirrje kundër nesh në Mal të Zi

“Po bëhet thirrje të mos votohen partitë shqiptare”-kështu tha Ilimra Lika ishte e ftuar në një intervistë në Euronews Albania këtë herë jo si gazetare, por si kandidate për deputete në Malin e Zi.

Ajo foli rreth mënyrës se si po përfaqëson kandidatët shqiptarë tashmë të futur edhe në listat e partive malazeze dhe si po ndikon kjo në përçarjen e elektoratit.

Partitë shqiptare në Malin e Zi marrin pjesë në 3 koalicione të ndryshme, gjë që sipas Likës sjell një përçarje shumë të madhe të elektoratit shqiptarë, duke penguar kështu që ata të përfaqësohen sa më mirë.

“Ajo që është më e keqja është se partitë qytetare e kanë humbur elektoratin e tyre në territorin e Mlait të zi në masë të madhe e tashmë po i kthehen elektoratit shqiptar. Në këtë kontekst ndodh për herë të parë që nga lëvizja e foltoreve qytetare po bëhet thirrja mos votoni parti shqiptare.

Kjo ndodh për herë të parë dhe këto janë gjëra që vrasin inteligjencën tonë si popull se në këtë formë ne po asimilohemi dhe po e humbim vetë identitetin, por po e humbim me dorën tonë duke vendosur njerëz të cilët nuk e di se pse po e bëjnë gjithë këtë.

Mund të shikohet edhe në statuset e tyre se gjuha shqipe është më pak e përfaqësuar se gjuha malazeze, ndërkohë që jemi ne ata që duhet të ruajmë gjuhën dhe kombin”,-tha gazetarja Ilmira Lika.

LEXONI GJITHASHTU:

• “I mori për Vis Martinajn”- Detaje nga vjedhja e targave që ‘fundosën’ Sherrnikun
• “Burri ishte kundër!” Stilistja: Nuk donte që të hapja Instagram për djalin