Motër Mira: Vajzat e sotme nuk bëhen murgesha se nuk duan të mohojnë martesën

Këtë javë në “Real People”, Flori Gjini ka takuar në Sukth, Motër Mirën, murgeshën që prej shumë vitesh ja ka dedikuar jetën e saj Zotit.

Ajo rrëfen përditshmërinë e saj, momentin që i ndryshoi jetën në rini, por edhe “luftën” me familjen e saj për t’u bërë murgeshë.

Mes të tjerave motër Mira tregoi se vajzat e reja ngurrojnë të zgjedhin të bëhen murgesha.

Ajo tha se ka shumë faktorë që ndikojnë në këtë çështje, ndërsa përmendi si një nga faktorët kryesor martesën, duke thënë se është e vështirë për vajzat të futen në rrugën e sakrificës dhe të mohojnë martesën e kënaqësitë e personit.

“Janë shumë faktor, por fillimisht duhet thënë se misionaret e para ishin një risi dhe ne deshëm t’i shërbenim zotit. Të rinjtë e gjejnë mënyrën për ti shërbyer zotit. Sepse nuk është qejf të mohosh martesën apo kënaqësitë e personit. Është e vështirë të shkosh drejt sakrificës. Ka vajza por ka më pak”,-tha motër Mira.

LEXONI GJITHASHTU:

• Motër Mira: Kam dashur të bëhem nënë, e kam menduar dhe kur kam qenë murgeshë…
• “E ndjej, Krishti është këtu”- motër Mira: S’është përrallë, e them nga eksperienca