Muka: Do bëhet referendum për anulimin e Portit të Durrësit nëse PD fiton bashkinë

Ardian Muka, kryesuesi i listës së këshilli bashkiak për koalicionin “Bashkë Fitojmë” tha në emisionin RinOn në Euronews Albania se nëse PD fiton bashkinë do bëjë referendum vendor për anulimin e portit të Durrësit.

Ai u shpreh se PD nuk është kundër investimeve që zhvillojnë qytetin, por gjithçka duhet të bëhet me transparencë.

“Ajo që unë dua të sqaroj është se PD dhe aleanca bashkë me partitë e tjera është për hapjen dhe investimet e huaja që qytetit do t’i bënte mirë. Por duhet transparencë, studim fizibiliteti dhe studim ekonomik. Aty nuk ka marinë, ajo do fillojë pas 10 viteve. Faza e parë është projekt imobilar. Ne jemi për investimet, por ajo që mund të themi se do ngulmojmë fort që ky projekt në Durrës të shkojë në referendum”, tha Muka.

LEXONI GJITHASHTU:

• Pse ja fali taksat portit të ri Bashkia Durrës? Përgjigjet nënkryetari
• Porti i Durrësit, Balluku: Alabbar i shqetësuar nga reagimet e opozitës