Mund të jesh serioz dhe i dobët njëkohësisht, Xhafo flet për opozitën

Gazetari Endri Xhafo tha për “Barometri” në Euronews Albania se opozita aktualisht është në një gjendje të vështirë.

Sipas tij opozita është e dobët sepse është e përçarë, por sidoqoftë më e besueshme se një vit më parë.

“Gjendja e vështirë ku është opozita sot nuk bie ndesh me seriozitetin. Mund të jesh serioz dhe të jesh i dobët. Unë mendoj që opozita sot është më serioze pavarësisht se mund të jetë politikisht më e dobët,” – u shpreh Xhafo.

56.7% e shqiptarëve mendojnë se situata në vendin tonë është shumë keq. Të pyetur nga Barometri në Euroneës Albania në muajin dhjetor, vetëm 15.6% e shqiptarëve mendojnë se situata është mirë. Ndërsa 27.4% janë neutralë, as mirë e as keq.

LEXONI GJITHASHTU:

• Xhepat e shqiptarëve! A presim ndryshim në 2023? Përgjigjet tek Barometri
• Pse rritet optimizmi i shqiptarëve në dhjetor, Luarasi interpreton Barometrin