Mungesa e vajit të lulediellit, RMV vendos të hapë eksportet me Shqipërinë

Të martën Maqedonia e Veriut do të vendosë të hapë eksportet për vajin e lulediellit me Shqipërinë.

Mungesa e vajit ka rritur ndjeshëm çmimet e këtij produkti në tregun vendas, duke bërë që një 1 litër të shitet  381 lekë.

“Nesër Republika e Maqedonisë së Veriut do të marrë një vendim të rëndësishëm për çeljen e eksporteve të vajit të lulediellit për Shqipërinë”, u shpreh ministrja e Financave dhe Ekonomisë, Delina Ibrahimaj.

Disa nga kontratat e kompanive vendase me importuesit u anuluan që prej nisjes së luftës në Ukrainë, vend i cili është një nga prodhuesit më të mëdhenj të vajit të lulediellit. (grafik)Rinisja e eksporteve të Maqedonisë së Veriut me vendin tonë për këtë produkt pritet të plotësojë mungesën që ka tregu.

“Qeveria maqedonase nesër shqyrton vendimin për lirimin e eksporteve për produkte të tilla, si të vajit të lulediellit, por edhe produkte të tjera që janë kryesish impute për prodhimin e produkteve finale në Shqipëri”, tha ministri i Ekonomisë në Maqedoninë e Veriut Kreshnik Bekteshi.

Prej nisjes së luftës në Ukrainë, Maqedonia e Veriut ndaloi eksportin e vajit të lulediellit, miellit dhe drithërave me qëllim mbrojtjen e tregut vendas nga kërcënimet e mungesës së këtyre mallrave apo rritjes së çmimeve.

LEXONI GIITHASHTU:

• Marzh fitimi minimal për tregtarët mbi produktet bazë, thotë ministrja
• Eksperti Muço: Heqja e TVSH për produktet e shportës sjell ulje çmimesh