“Na quajti “plehra” e “mizerje”- gazetari denoncon pronarin e hotelit në Drimadhes

Gazetari Kostandin Feshti ka shprehur pakënaqësitë që ai ka pasur përsa i përket pushimeve në jug të vendit.

Ai e vë theksin te shërbimi skandaloz, pavarësisht reklamimit që i bëhet rritjes së numrit të turistëve, sidomos gjatë këtij viti.

Në një intervistë për emisionin “Good Morning Albanians” në Euronews Albania, ai nënvizoi se stafi i hotelit ku u akomodua nuk e mirëpriti ashtu siç duhej.

“Unë jo më larg se dje u ktheva nga jugu, jam mahnitur nga natyra që ne jmei bekuar si vend. Ka qenë fundjava më relaksuese përsa i përket natyrës, por ajo që ndodhi në Drimadhes, është qasja e pronarëve të hotelit që na u drejtuan si plehra. Çmimi ishte mesatar, por kur shkuam nuk na thanë as dhomën, as çelësin e dhomës dhe as një përshëndetje nuk na bënë. Direkt fjala e parë që ishte “Nëse keni mundësi lekët”- tha ai.

LEXONI GJITHASHTU: 

• Ekskluzive/ Arrestohet këngëtarja e njohur Enca, kultivoi kanabis në banesë
• Nutricionisti: 8 mijë shqiptarë vdesin në vit nga kequshqyerja