Nard Ndoka: Në zgjedhjet e 6 marsit në koalicion me Berishën

Kreu i Partisë Demokristiane, Nard Ndoka thotë se kandidati i Partisë Demokratike për Bashkinë Shkodër nuk ka peshë elektorale.

Edhe pse PD ende nuk ka shpallur zyrtarisht kandidatin e saj në Bashkinë Shkodër, Ndoka thotë se fitues do të jetë kandidati i Berishës, Bardh Spahia.

“Kandidati i z. Basha Basha besoj do të jetë i papërfillshëm si vlerë elektorale. Kandidati i Grupit të Rithemelimit do të dalë më para se sa shumatorja e kandidatit të PS dhe Lulzim Bashës”, tha Ndoka.

Kreu i PDK konfirmoi se në zgjedhjet e pjesshme të 6 marsit do të jetë pjesë e koalicionit që do të udhëhiqet nga Berisha.

Grupi i Rithemelimit të PD ka shpallur kandidat në Shkodër, Bardh Spahian, i cili do të mbështet dhe nga aleatë që Berisha ka afruar mes tyre dhe LSI.

Sipas Ndokës, përzgjedhja e kandidatëve të Grupit të Rithemelimit të PD përmes primareve ‘zbeh’ rolin e kreut të partisë duke i dhënë më shumë peshë ‘mendimit’ të anëtarësisë.