“Narkoshteti nuk është problem i qytetarëve”, Buzhala: Problemet ekonomike në fokus

Gazetari Berat Buzhala ishte këtë të mërkurë i ftuar në “Barometri” në Euronews Albania ku tha se Partia Demokratike po e fokuson fushatën e saj elektorale te narkoshteti dhe korrupsioni, ndërkohë sipas tij sondazhet tregojnë se ky nuk është shqetësimi më i madh i shqiptarëve.

“Në të gjitha sondazhet që janë bërë SPAK del institucioni me besueshmërinë më të lartë në Shqipëri, për momentin më lartë se të gjitha partitë politike. Partia kryesore opozitare, e ka fokusin te korrupsioni dhe krimi. Krimi është shumë poshtë në renditje. Partia Demokratike flet për narkoshtetin. Narkoshteti nuk është shqetësim i qytetarëve”.

Sipas Buzhalës duke iu referuar edhe matjeve të Barometrit çështjet ekonomike dhe stili i jetesës janë shqetësimi më i madh  për qytetarët. Ai u shpreh se për këto probleme ka dëgjuar debate dhe diskutime vetëm nga Barbara Doda e partisë “Mundësia” dhe Bora Mema e partisë “Lëvizja Bashkë”.

“Të vetmin debat që unë kam parë dhe kam dëgjuar deri më tani për ekonominë deri më tani ka qenë Barbara Doda dhe Bora Mema. Ato kanë diskutuar për çështje të pastra ideologjike”,-tha Buzhala.

LEXONI GJITHASHTU:

• Hasimja: Shqiptarët shqetësohen më shumë nga Bangladeshi, sesa gëzohen për BE-në…
• Barometri/ Ja si do të ndaheshin 37 mandatet e Tiranës, sipas matjes së dytë