Natasha Lako: Isha rebele në komunizëm, donin të më pushkatonin! Mi grisen poezitë

Këtë javë në Profil vjen poetja rebele Natasha Lako…Ajo është etiketuar si e tillë për shkak të poezive dhe filmave në kërkim të lirisë edhe gjatë komunizmit, gjë e cila bëri që emri i saj ti futej në listën e zezë për pushkatim!

Poetja ka rrëfyer për gazetaren Greta Topjana se si biografia e keqe e përndoqi pavarësisht se mamaja e saj kishte qenë partizane.

“Kur unë shkruajta vëllimin tim “Natyrë e qetë”  është i vitit 1990 para ngjarjeve të 2 korrikut, unë jam fare e lirë që atëherë. Nuk më erdhi liria menjëherë se ndodhi ’90-ta. Unë e fillova lirinë pak më parë. Më ishin grisur katër shkrime nga një livbër, por ama unë e kisha ndier lirinë dhe e kisha shprehur aq sa mundja.

Të gjithë miqtë që kisha unë kështu ishin si rebelë. Sepse unë për shembull kam pasur shumë mirëkuptim me Vaçe Zelën, ajo ishte rebele.

Për kureshtje do ju them një çudi tjetër të asaj periudhe, unë, Vaçja, Elena Kadare, Liljana Cingu e ndjerë, Roza Anagnosti dhe Bebi Kristidhi, ne kishim krijuar një personalitet në Tiranë. Shprehnim lirinë e gruas, kjo të çon në rezonancë me lirinë në përgjithësi. Ne të 5-ta kemi qenë në listën e personave të rrezikshëm. Ka pasur edhe krijues të tjerë, por unë them për ne.

Në vitin ’78 kemi qenë në një dokument të firmosur nga zëvendës ministri i brendshëm që në rast krize politike ne do ishim në listën që duhet të pushkatoheshim. Këto janë qesharake e të pabesueshme sot. Por këto kanë ndodhur”,-tha poetja.

Më poshtë mund të ndiqni intervistën e plotë:

LEXONI GJITHASHTU:

• “Mamin e kisha partizane, por Enver Hoxha ma futi babanë në burg!”-Natasha Lako
• Trashëgimia etnokulturore e Musine Kokalarit ekspozohet në shtëpinë e gjyshërve