NATO-ja është e gatshme të bëjë më shumë për Ukrainën

NATO-ja do të forcojë mbështetjen për Ukrainën, sipas deklaratave të sekretarit të Përgjithshëm të NATO-s, Jens Stoltenberg, pas samitit të kësaj aleance në Bruksel.

Ai tha se takimi i sotëm kishte një mesazh të qartë: që aleatët janë “të gatshëm të bëjnë më shumë” për të siguruar më shumë pajisje ushtarake dhe se “e kuptojnë urgjencën”.

Stoltenberg tha se aleatët e NATO-s po ofrojnë një gamë të gjerë armësh, duke përfshirë armët e kohës sovjetike dhe ato moderne.

Ai tha se aleatët e NATO-s dënojnë “vrasjet e tmerrshme” të civilëve në Buça dhe në vende të tjera, dhe mbështesin përpjekjet që krimet të hetohen në mënyrë ndërkombëtare.

NATO-ja po rrit mbështetjen e saj për Ukrainën mbi sigurinë kibernetike dhe do të sigurojë pajisje për të ndihmuar Ukrainën që të mbrohet nga sulmet kimike dhe biologjike prej bombardimeve.

NATO-ja do të ndihmojë gjithashtu vendet e tjera partnere, duke përfshirë Gjeorgjinë dhe Bosnje-Hercegovinën, për të “forcuar aftësinë e tyre për të mbrojtur veten”.

LEXONI GJITHASHTU:

• Eurodeputetët kërkojnë embargon e disa produkteve ruse