Ndahet nga jeta legjenda e futbollit gjerman Franc Bekenbauer

Është ndarë nga jeta në moshën 78-vjeçare legjenda e futbollit gjerman Franc Bekenbauer. Lajmin e hidhur për fansat e futbollit e ka konfirmuar familja e Bekenbauer.

Kapiteni legjendar i kombëtares gjermane dhe i Bajernit të Mynihut ishte një autoritet në futbollin botëror dhe në disa klasifikime ishte renditur si pjesë e formacionit më të mirë të të gjitha kohërave.

Bekenbauer karrierën e tij për klube e zhvilloi kryesisht me Bajernin e Mynihut që ishte edhe klubi i vendlindjes së tij. Me rekordmenët bavarez, ai luajti 427 ndeshje, duke shënuar edhe 60 gola, ndërsa i udhëhoqi drejt fitimit të Kupës UEFA dhe një trofeu në Bundesligë.

Mbrojtësi bavarez cilësohet nga shumëkush si një nga futbollistët më të mëdhenj të të gjitha kohërave. Ai ishte kapiteni legjendar i Gjermanisë Perëndimore që u shpall Kampione Bote në vitin 1974, teksa më pas e fitoi atë trofe edhe si një trajner në vitin 1990.

Që pas vitit 2015, kur humbi djalin e tij, gjendja e tij shëndetësore “Kaizerit” kishte ardhur duke u përkeqësuar ndjeshëm në vitet e fundit. Ai kishte vuajtur shumë vitet e fundit për shkak të këtyre situatave shëndetësore dhe nuk merrte pjesë në asnjë aktivitet publik.

LEXONI GJITHASHTU:

• Gjermania kritika të ashpra Serbisë: Vuçiç s’është më garantues i stabilitetit
• Gjermania dërgon 200 ushtarë shtesë në Kosovë