Ndahet nga jeta sipërmarrësi i njohur në Shqipëri

Dritan Mezini, një sipërmarrës i njohur në Shqipëri dhe Kosovë ndërroi jetë këtë të premte si pasojë e një sulmi në zemër

Si themelues dhe drejtor ekzekutiv i “DM Consulting Services” në Shqipëri dhe Kosovë, dhe bashkë-themelues i portalit duapunë, Dritani ka kontribuar ndjeshëm në zhvillimin e sektorit të teknologjisë dhe sipërmarrjes në rajon.

Me një karrierë të pasur prej më shumë se 30 vjetësh, ai solli një ekspertizë të re në fushën e transformimit digjital, tregtisë elektronike, menaxhimit të projekteve dhe burimeve njerëzore.

Ministri i ri i Ekonomisë Kulturës dhe inovacionit, ka ndarë në rrjetin social facebook dhe n jë foto të ditës së enjte, ku ai shihet në krah të sipërmarrësit që ndërroi jetë.

“Foto selfie e tij mbrëmë, pas tryezës së Këshillit Ekonomik Kombëtar, në inaugurimin e Shtëpisë së Biznesit”, shkruan Gonxhe.

Kush ishte Dritan Mezini?

Dritan Mezini është diplomuar nga Universiteti i Tiranës në degën e Informatikës.

Ai gjithashtu, mbante dy diploma Master – në Administrim Biznesi me përqendrim në Menaxhimin e Sistemeve të Informacionit (MBA-MIS) nga Universiteti i Illinoisit Perëndimor Western Illinois University (WIU) në Macomb, IL, SHBA dhe në Menaxhimin e Projekteve (MPM) nga Keller Graduate School of Management Keller Graduate School of Managment, në DeVry University DeVry University of Chicago, IL, SHBA.

Dritani ishte një anëtar aktiv i disa shoqatave profesionale dhe të biznesit. Ai mbante pozicionin e Drejtorit Ekzekutiv të Shoqatës së Teknologjisë së Informacionit dhe Komunikimit të Shqipërisë (AITA), President i Shoqatës Rajonale Balkan Deti i Zi dhe Baltik (3B-ICT) të shoqatave të TIK, ishte alumni i programit të shkëmbimit Fulbright Netëork – the unofficialFulbright dhe ILVP, anëtar bordi i Shoqatës të Konsulentëve, anëtar Bordi i Protik Innovation Center Protik, Kryetar Bordi i Shkollës së Mesme Profesionale “Gjergj Canco”, antar i Komitetit Sektorial te TIK, si dhe trajner pranë Mjeshtëro Biznesin “Mjeshtëro Biznesin” të Vasil Naçit, Agna Leadership Academy Akademisë së Lidershipit AGNA, dhe Global Entrepreneurship Academy (GEA).

Prej disa kohësh ai ushtronte dhe jepte kontributin e tij ne zhvilimin e sportit si këshilltar pranë Presidentit te Komitetit Olimpik Shqiptar Komiteti Olimpik Kombetar Shqiptar (KOKSH). Gjithashtu, ai ishte përfaqesues i World Summit Aëards, si Ekpert Kombetar i WWSA(WSA Global).

LEXONI GJITHASHTU:

• Ndahet nga jeta në moshë të re, gazetari dhe personazhi i njohur në rrjete sociale
• Ndahet nga jeta legjenda e futbollit gjerman Franc Bekenbauer