Ndalimi i 5 policëve të Kosovës në Serbi, ambasadori gjerman: E papranueshme!

Ambasadori gjerman në Prishtinë, Jörn Rohde, ka reaguar lidhur me ndalimin e 5 policëve të Kosovës nga autoritetet e Serbisë.

Përmes një postimi në rrjetin social “X”, Rohde është shprehur se ndalimi i zyrtarëve të zbatimit të ligjit është i papranueshëm dhe nuk mund të pritet nga një vend kandidat për në BE.

Ai tha se kjo situatë duhet të përfundojë menjëherë dhe sipas tij, politikanët serbë të flasin me bashkëqytetarët e tyre.

“De-përshkallëzoni situatën tani! Ndalimi i 🇽🇰zyrtarëve të zbatimit të ligjit, duke përfshirë serbët, nga 🇷🇸autoritetet është i papranueshëm dhe sigurisht nuk mund të pritet nga një 🇪🇺vend kandidat. Kjo duhet të përfundojë menjëherë dhe ne presim që edhe politikanët serbë të flasin për bashkëqytetarët e tyre!”, ka shkruar Rohde.

LEXONI GJITHASHTU:

• Kurti: Lirohen 4 nga 5 policët e Kosovës të ndaluar në Serbi
• “Aleatë ngrini zërin”- Osmani: 5 policët tanë po mbahen peng nga një shtet shovinist